Como sabedes, este día 5 de maio tivo lugar a gran cita anual do "Musiqueando", e aínda sendo este ano unha edición virtual tivo gran éxito de convocatoria, como podedes ver na seguinte nova.

Para os que non puidestes participar en directo, aquí vos deixamos unhas ligazóns ás dúas coreografías de percusión corporal que Santi Serratosa preparou expresamente para esta ocasión:
​
Coreografía Ed. Primaria
Coreografía Ed.  Secundaria

A final de mes seguro que tamén veremos fabulosas interpretacións dos centros participantes. Estaremos atent@s! 

Lembrade que só quedan 8 días para o encontro en directo con Santi Serratosa.
O día 5 de maio atoparémonos ás 10:30 o alumnado de primaria e ás 12:30 o de Secundaria na seguinte ligazón: Coaem administración - YouTube.
Agardámosvos!

Pese a este ano de pandemia que nos está obrigando a evitar moitas actividades, a COAEM segue loitando por visibilizar a nosa materia propoñendo, en lugar do habitual Musiqueando, que se celebra todos os anos, un Musiqueando nas redes.

A proposta sería a seguinte:

• O día 5 de maio conectaremos en directo a través de Youtube con Santi Serratosa para aprender coreografías orixinales de percusión corporal creadas por el para esta celebración. O horario de conexión sería : 10:30 para Infantil e Primaria e 12:30h para Secundaria.
• Durante as dúas seguintes semanas lanzarase un reto con estas coreografías.
• A semana do 22 ao 29 de maio subirase o traballo destas coreografías ás redes coas seguintes etiquetas: #musiqueando2021, #musiqueandoviral, #nosimportalamusica.

A ligazón para acceder ao directo de Youtube estará dispoñible en breve na páxina web da COAEM. Se non podedes incorporarvos ao directo, teredes dispoñibles os dous vídeos na canle da COAEM.

Igual que en anos anteriores a música saíu das aulas ás rúas e prazas das nosas cidades, queremos que este ano saia ao mundo a través das Redes Sociais. Que a pandemia non faga esquecer o importante que é a música na vida de toda a sociedade.

Animádevos a participar!

Na seguinte ligazón poderedes acceder á entrevista realizada polo programa No es un día cualquiera de Radio Nacional á nosa estimada compañeira Almudena Vidal, actual presidenta da Confederación de Asociaciones de Educación Musical (COAEM), na que reivindica unha maior carga lectiva da asignatura.
Paga a pena escoitala, bo traballo!

Interesante curso para traballar con coros xuvenís.

Saíron as adxudicacións provisionais no CXT, podedes consultar toda a información na seguinte ligazón.

Está aberta a convocatoria para solicitar praza de profesorado visitante español no exterior para o curso 2021-22. Podedes consultar a información na seguinte ligazón. O prazo remata o 13 de xaneiro de 2021.

Do 11 de xaneiro ao 19 de febreiro terá lugar este curso online sobre metodoloxías activas mediadas con tecnoloxía para a educación musical presencial e online. Está organizado desde ALDÁREA-CLM (Asociación Pro Educación Musical De Castilla-La Mancha) e recoñecido polo INTEF/MEC. Tedes ata o último día deste ano para apuntarvos. Se queredes consultar máis información só tedes que premer na seguinte imaxe:
​

Este semana celebrarase o I Congreso Virtual organizado por ADMURM (Asociación de Docentes de Música de la Región de Murcia). Está cargado de actividades interesantes e ademais a inscrición é gratuita. Podedes consultalo pinchando na seguinte imaxe: