Benvidas e benvidos á páxina da Asociación de
Docentes de Música de Galicia (ASOMUSICA).
(Estamos actualizando os contidos da páxina e a nova imaxe da asociación)
Se queredes anotarvos entrar no seguinte enlace:
​  https://docs.google.com/forms/d/e/1FAIpQLSeE_J8mdhlRXbv3g_NygxKen1dy-SW5ShNGo184ZLb3q5PvHQ/viewform

V Xornadas sobre Educación Musical.

O día 9 de novembro en Santiago de Compostela celebraremos unha Xornada de Educación Musical. Teremos mesas redondas e obradoiros en horario de mañán e tarde. Se querelles inscribirvos podedes pinchar no enlace seguinte:

https://docs.google.com/forms/d/18ftvGe02clYj0Eyi1V-2MyHyEQM_RRCk-p2d1mqlO5g/edit


Máis información:

https://www.facebook.com/share/p/kGcyx5oTSxprdN1Y/

Novas


Estimados socios e socias, 

O pasado domingo 22 de setembro a Xunta directiva celebrou unha extensa e frutífera reunión de traballo para organizar as propostas deste novo curso. Resumímosvolas máis abaixo.
Aproveitamos para lembrarvos que agora por fin somos unha asociación de docentes de Música de Primaria e Secundaria, como tódalas demais da COAEM, e que queremos que se asocien estes novos compañeiros e compañeiras canto antes. Axudádenos a que o fagan no menú Asóciate da nosa páxina web.

Breve resumo dos temas tratados e liñas de traballo abertas:

- Reunións e contactos coa Consellería: foron redactados  -- e xa enviados--  sendos documentos para informar e solicitar reunións á Secretaría Técnica (mellora e adecuación dos materiais e aulas de Música), e a Innovación (propoñer asignaturas de optatividade obrigatoria para Bacharelato, igual que sucede noutras CCAA). Acordouse redactar e está pendente de enviar, outro informe e solicitude de reunión á Subdirección de Persoal, coa fin de expoñer a precaria situación dos docentes de Música en canto á ratio do alumnado por clase, e a extinción dalgunhas prazas de Música en centros de Secundaria.
- Queixas á CIUG: ante a inaceptable demora, por segundo ano consecutivo, na publicación de modelos de exame e materiais para as PAU das asignaturas musicais de Bacharelato, Asomúsica suma a súa queixa ante a Comisión Interuniversitaria de Galicia para pedir que remate canto antes a inseguridade á que se aboca ó noso alumnado e profesorado.
- Comunidade de Whatsapp: convertemos o noso grupo de Whatsapp nunha comunidade con diferentes temas de conversación, posibilitando a adhesión voluntaria a eles segundo os intereses. O seu manexo é moi doado e vainos ser de moita axuda para xestionar as propostas que vaian xurdindo. Para entrar nela só tedes que escribirnos.
- V Xornada de Educación musical: non estaba na orde do día, pero vimos necesario organizar unha xornada o antes posible para encontrarnos cos novos membros da asociación e dar a coñecer o funcionamento de Asomúsica e da COAEM; debater con profesionais dos distintos ámbitos as cuestións máis candentes do noso traballo, e por suposto, formarnos con obradoiros de distinta temática que nos axuden nas clases este outono. Será o 9 de novembro en Santiago de Compostela, e podedes ir vendo as actualizacións de información nas nosas redes (Facebook e Instagram ). En breve abriremos o formulario de inscrición na nosa páxina web.
- Encontro de alumnado: abrirase máis adiante un tema de conversación dentro da comunidade de Whatsapp co título “Organización Encontro”, para debater propostas.
- Novo logo e web: está en marcha o proceso de deseño dun novo logo para a Asociación, modernizar a sua imaxe e encargar unha nova web.
- Cursos: o compañeiro David Barros está organizando un curso en Vigo con Alfonso Elorriaga para o mes de febreiro. Grazas ós dous!

Isto é todo de momento.
Moitos azos co novo curso e esperamos saber de vós moi axiña.
Saúdos.

A Xunta Directiva

https://www.asomusica.com/
www.coaem.org
Estimados compañeiros,
​
estamos a organizar as V Xornadas de Educación Musical. Teremos mesas redondas para reflexionar sobre a situación do noso colectivo,  diferentes obradoiros para participar e intercambio de experiencias entre compañeiros.    En breve iremos concretando máis. 

Reservade un oco nas vosas axendas!!
NOVOS ESTATUTOS

​En asamblea extraordinaria celebrada o 12 de abril de 2024, acordamos modificar os estatutos para poder incluir en ASOMÚSICA  a Mestres de Educación Primaria.  

O nome será Asociación de Docentes de Música de Galicia.  

Damos a benvida aos compañeiros de Primaria que decidan asociarse, e agardamos unha longa vida a ASOMÚSICA 

​novos_estatutos_asomusica.pdf