Xa están dispoñibles as entradas para o Congreso #ConEuterpe que se celebrará en Logroño do 6 ao 8 de maio. Poderedes desfrutar de experiencias educativas, ponencias, obradoiros e actuacións musicais. Tedes toda a información na seguinte ligazón.
​Animádevos!

Como sabedes, este día 5 de maio tivo lugar a gran cita anual do "Musiqueando", e aínda sendo este ano unha edición virtual tivo gran éxito de convocatoria, como podedes ver na seguinte nova.

Para os que non puidestes participar en directo, aquí vos deixamos unhas ligazóns ás dúas coreografías de percusión corporal que Santi Serratosa preparou expresamente para esta ocasión:
​
Coreografía Ed. Primaria
Coreografía Ed.  Secundaria

A final de mes seguro que tamén veremos fabulosas interpretacións dos centros participantes. Estaremos atent@s! 

Lembrade que só quedan 8 días para o encontro en directo con Santi Serratosa.
O día 5 de maio atoparémonos ás 10:30 o alumnado de primaria e ás 12:30 o de Secundaria na seguinte ligazón: Coaem administración - YouTube.
Agardámosvos!

Pese a este ano de pandemia que nos está obrigando a evitar moitas actividades, a COAEM segue loitando por visibilizar a nosa materia propoñendo, en lugar do habitual Musiqueando, que se celebra todos os anos, un Musiqueando nas redes.

A proposta sería a seguinte:

• O día 5 de maio conectaremos en directo a través de Youtube con Santi Serratosa para aprender coreografías orixinales de percusión corporal creadas por el para esta celebración. O horario de conexión sería : 10:30 para Infantil e Primaria e 12:30h para Secundaria.
• Durante as dúas seguintes semanas lanzarase un reto con estas coreografías.
• A semana do 22 ao 29 de maio subirase o traballo destas coreografías ás redes coas seguintes etiquetas: #musiqueando2021, #musiqueandoviral, #nosimportalamusica.

A ligazón para acceder ao directo de Youtube estará dispoñible en breve na páxina web da COAEM. Se non podedes incorporarvos ao directo, teredes dispoñibles os dous vídeos na canle da COAEM.

Igual que en anos anteriores a música saíu das aulas ás rúas e prazas das nosas cidades, queremos que este ano saia ao mundo a través das Redes Sociais. Que a pandemia non faga esquecer o importante que é a música na vida de toda a sociedade.

Animádevos a participar!

Este semana celebrarase o I Congreso Virtual organizado por ADMURM (Asociación de Docentes de Música de la Región de Murcia). Está cargado de actividades interesantes e ademais a inscrición é gratuita. Podedes consultalo pinchando na seguinte imaxe:

Nesta ligazón poderedes acceder a unha nova onde explican a metodoloxía que empregan as nosas compañeiras do IES Parga Pondal de Carballo. Noraboa!

Os integrantes dos coros Tempo Novo, en Ferrol, e los de Peque Solidarium e Da Capo Solidarium, en Narón, seguen a ensaiar de forma virtual. Nesta ligazón podedes consultar a nova. Gran iniciativa!

A partir de xa podedes visitar a canle de Youtube do Concerto Tempiño, onde poderedes atopar vídeos do coro infantil e contidos para nenos e nenas. Aquí tedes a ligazón á nova e á canle de Youtube do Concerto Tempiño. Fantástica iniciativa de José Antonio García Mato, profesor no IES de Ortigueira.

Noraboa a Graciela Galdo e a Olga Vigo do IES Terra de Trasancos que participaron na apertura do evento co seu Coro Solidarium. Gran traballo!
​https://www.lavozdegalicia.es/noticia/ferrol/2020/02/28/coro-solidarium-congreso-mundial-educacion/0003_202002F28C12991.htm